Balfin Asset Management, i themeluar në vitin 2023, është një lider i dalluar në menaxhimin e strukturave të mikpritjes, si dhe një ekspert në optimizimin e aseteve, maksimizimin e performancës operacionale dhe zhvillimin komercial e rekreacional Mix Use. Me një sipërfaqe të menaxhuar prej mbi 1,2 Mil m2 dhe një portofol prej më shumë se 20 shërbimesh të ndryshme në menaxhimin e aseteve dhe pronës, kompania ofron zgjidhje gjithëpërfshirëse për klientelën e saj të larmishme.
Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me afërsisht 5,000 punonjës në total. Aktivitetet e Grupit BALFIN përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën. Grupi BALFIN po rritet në mënyrë të qëndrueshme dhe kontribuon në përmirësimin e jetesës së komuniteteve përmes zhvillimit ekonomik, prezantimit të ideve të reja, punësimit dhe investimeve sociale.
Pozicioni: Koordinator/e Zyre
Departamenti: Burime Njerëzore dhe Logjistikë
Vendndodhja: Tiranë
Përmbledhja e Pozicionit:
Koordinatori i Zyrës është përgjegjës për organizimin, koordinimin dhe administrimin e zyrës, organizimin e eventeve të punonjësve të kompanisë, zhvillimin e procedurave dhe komunikimeve të zyrës dhe delegimin e detyrave të ndryshme. Ai/ajo është pika e parë e kontaktit për kompaninë.
Përgjegjësitë dhe Detyrat Kryesore:
Përgjegjës/e për zbatimin e procedurës së menaxhimit të aseteve;
Përgjegjës/e për menaxhimin e aseteve të kompanisë (pajisja e punonjësve të rinj me asetet e nevojshme, porositja e aseteve);
Kryerja e rakordimeve përkatëse për asetet që duhet të zëvendësohen ose hiqen nga asetet e shoqërisë;
Suporton në procesin e inventarizimit vjetor të aseteve;
Përgjegjës/e për kontrollin mujor të faturave të ndryshme, të cilat kanë të bëjnë me porositë dhe blerjet e Zyrës;
Përgjegjës/e për mbledhjen dhe porositjen e nevojave mujore për furnizime zyre nga të gjitha Departamentet;
Dorëzon porositë mujore tek furnizuesi përkatës: mjete kancelarike, detergjentë, tonerë, letër, gota, kafe, ujë, etj.;
Përgjegjës/e për menaxhimin e furnitorëve përkatës për pajisjet/materilalet e zyrës;
Monitoron konsumin e furnizimeve mujore të zyrës;
Rezervon akomodim, transport, bileta fluturimi etj. sipas nevojave të punonjësve;
Suporton në organizmin e eventeve dhe aktiviteteve të stafit;
Përgjegjës/e për menaxhimin e marrëdhënieve me operatorin celular (mbyllja e numrit, hapja e numrit, ndryshimi i planit tarifor, transferimi i numrit, zëvendësimi i kartës SIM në rast humbjeje, menaxhimi i buxhetit për blerjen e pajisjeve celulare për stafin);
Përgjegjës/e për menaxhimin e recepsionit (mirëpritja e vizitorëve/klientëve; telefonatat, posta hyrëse dhe dalëse, protokolli, rezervimet e taksive);
Siguron një ambient të sigurt, të pastër zyre dhe sigurohet që të gjitha pajisjet funksionojnë siç duhet;
Monitoron, raporton dhe konsolidon listë-prezencën ditore të stafit me sistemin check in check out;
Përgjegjës/e për përgatitjen e buxhetit vjetor për zyrën, planifikimin e shpenzimeve dhe kryerjen e ndryshimeve të nevojshme;
Përgjegjës/e për zhvillimin dhe zbatimin e politikave të zyrës nëpërmjet krijimit të procedurave dhe standardeve të nevojshme për funksionimin sa më të mirë të saj;
Menaxhon kalendarin e dhomave të mbledhjeve dhe i përgatit ato për takimet e skeduluara;
Monitoron dhe koordinon detyrat dhe përgjegjësitë e korrierëve dhe pastruesve;
Përgjegjës/e për zbatimin e HSE, blerjen dhe pajisjen me mjetet e nevojshme;
Çdo detyrë tjetër e kërkuar nga Supervizori.
Kualifikimet e Kërkuara:
Diplomë e Arsimit të lartë/Bachelor;
Eksperiencë e mëparshme si Menaxher/e Zyre apo Asistent/e Administrativ/e.
Kompetencat Kryesore:
Aftësi të shkëlqyera në përdorimin e MS Office (MS Excel dhe MS Outlook);
Aftësi të shkëlqyera të menaxhimit të kohës (aftësi për të menaxhuar shumë detyra njëkohësisht dhe për ti prioritizuar ato);
Vëmendje ndaj detajeve dhe aftësi për zgjidhjen e problemeve;
Aftësi shumë të mira komunikimi verbale dhe të shkruara në anglisht dhe shqip;
Aftësi të shkëlqyera organizative dhe planifikuese;
Person kreativ, i/e aftë për të sugjeruar përmirësime dhe optimizime të procesit.
Kushtet e Punës:
Balfin Asset Management është një punëdhënës me mundësi të barabarta që ofron një mjedis pune profesional dhe dinamik, një paketë tërheqëse kompensimi dhe përfitimesh dhe mundësi për të shpalosur plotësisht potencialin tuaj profesional.
Mënyra e aplikimit:
Të gjithë të interesuarit mund të aplikojnë duke dërguar CV-në e tyre dhe letrën e motivimit në këtë link.
Afati i dorëzimit: 07/01/2024
*Të gjitha aplikimet do të trajtohen me konfidencialitet të plotë sipas ligjit Nr. 9887 vendosur nga Kuvendi i Shqipërisë për Mbrojtjen e të Dhënave Personale.
Apliko